ବ୍ରହ୍ମପୁରର ପ୍ରସିଦ୍ଧ ମାଁ ବୁଢ଼ୀ ସାଆନ୍ତାଣୀଙ୍କୁ ସପରିବାର ଦର୍ଶନ କଲେ ଆନ୍ଧ୍ର ପ୍ରଦେଶ ବିଧାନସଭା ବାଚସ୍ପତି

ବ୍ରହ୍ମପୁରର ପ୍ରସିଦ୍ଧ ମାଁ ବୁଢ଼ୀ ସାଆନ୍ତାଣୀଙ୍କ ଦର୍ଶନ କରିବାପାଇଁ ମଂଗଳବାର ଆନ୍ଧ୍ର ପ୍ରଦେଶ ବିଧାନସଭା ବାଚସ୍ପତି ଟି.ସୀତାରାମ ଗସ୍ତ କରିଥିଲେ । ସେ ସପରିବାର ସହ ମାଁ ବୁଢ଼ୀ ସାଆନ୍ତାଣୀଙ୍କ ଦର୍ଶନ କରି ଆଶିର୍ବାଦ ଲାଭ କରିଥିଲେ । ଏହି ଅବସରରେ ତାଙ୍କୁ ବହୁ ତେଲୁଗୁ ସମ୍ପ୍ରଦାୟର ଭାଇ ଓ ଭଉଣୀଙ୍କ ଦ୍ୱାରା ସ୍ୱାଗତ କରାଯାଇଥିଲା । ସେ ମାଁଙ୍କ ଦର୍ଶନ କରି ଖୁସି ଅନୁଭବ କରିଥିବା କହିଥିଲେ । ପରେ ପରେ ସେ ଭୈରବୀ ମନ୍ଦିର ହୋଇ ଆନ୍ଧ୍ର୍ର ପ୍ରଦେଶ ଅଭିମୂଖେ ବାହାରିଥିଲେ । ସୋମବାର ରାତିରେ ବାଚସ୍ପତି ସୀତାରାମ ସପରିବାର ବ୍ରହ୍ମପୁର କମାପଲ୍ଳୀଠାରେ ନିଜ ସମ୍ପର୍କୀୟଙ୍କ ଘରେ ରାତ୍ରୀ ଯାପନ କରିଥିଲେ ।