ଦୀର୍ଘ ୨ଘଣ୍ଟାର ପରିଶ୍ରମପରେ ସର୍ପ ଉଦ୍ଧାରକାରୀ ଦଳ ଦ୍ୱାରା ୮ଫୁଟର ଅହିରାଜ ସାପ ଉଦ୍ଧାର

ପାତ୍ରପୁର ବ୍ଳକ ଅନ୍ତର୍ଗତ ପାଂଚଆମ୍ବ ଗ୍ରାମରୁ ଏକ ୮ଫୁଟର ଅହିରାଜ ସାପ ଉଦ୍ଧାର କରାଯାଇଛି । ଏହି ସାପକୁ ଗ୍ରାମର କିଛି ଲୋକ ଦେଖିବାକୁ ପାଇଥିଲେ । ପରେ ବ୍ରହ୍ମପୁରର ସର୍ପ ଉଦ୍ଧାରକାରୀ ତାରା ପ୍ରସାଦ ଦାସଙ୍କୁ ଖବର ଦିଆଯାଇଥିଲା । ଏହାପରେ ଶ୍ରୀ ଦାସ ତାଙ୍କ ସହଯୋଗୀ ଶ୍ରୀକାନ୍ତ ନାହାକ, ସ୍ୱାଧିନ ସାହୁ ଓ ସୁଶାନ୍ତ ମହାଂକୁଡ଼ଙ୍କୁ ନେଇ ସେଠାରେ ପହଂଚିଥିଲେ । ସାପଟି ଗଛ ଭିତରେ ରହିଯାଇଥିବାଯୋଗୁଁ ଗ୍ରାମବାସୀମାନେ ଗଛଟିକୁ କାଟିଦେଇଥିଲେ । ଦୀର୍ଘ ୨ଘଣ୍ଟାର ପରିଶ୍ରମ ପରେ ସାପଟିକୁ ଉଦ୍ଧାର କରାଯାଇଥିଲା । ପରେ ବନ ବିଭାଗ କର୍ମଚାରୀଙ୍କ ସହଯୋଗରେ ଜଂଗଲରେ ଛାଡ଼ିଦିଆଯାଇଥିଲା ।