ଗଂଜାମ ଜିଲ୍ଲାରେ ଲକ୍ ଡାଉନ କଟକଣା ୨୦ ତାରିଖରୁ କୋହଳ କରିବା ପାଇଁ ଜିଲ୍ଲାପାଳଙ୍କ ନିଷ୍ପତ୍ତି, ଅତ୍ୟାବଶ୍ୟକିୟ ସାମଗ୍ରୀ ଦୋକାନ ଖୋଲା କିନ୍ତୁ ସାମାଜିକ ଦୁରତା ଅବଲମ୍ବନ ବାଧ୍ୟତାମୂଳକ ।

ଗଂଜାମ ଜିଲ୍ଲାରେ ଲକ୍ ଡାଉନ କଟକଣାକୁ ଜିଲ୍ଲାପାଳ ବିଜୟ ଅମୃତା କୁଲାଂଗେ ୨୦ ତାରିଖରୁ କୋହଳ କରିବା ପାଇଁ ନିଷ୍ପତ୍ତି ନେଇଛନ୍ତି । ଏହି ନିଷ୍ପତ୍ତି ଅନୁଯାୟୀ ପୂର୍ବରୁ ନିଆଯାଇଥିବା କଟକଣା ମଧ୍ୟରେ ଜରୁରୀ କାଳୀନ ସମୟରେ ଜଣେ ଜଣେ ଚାଳକଙ୍କ ଦ୍ୱାରା ଗାଡ଼ି ଚଳାଯାଇପାରିବ । କିନ୍ତୁ ବିନା କାରଣରେ କେହି ଘରୁ ବାହାରି ପାରିବେ ନାହିଁ । ଅତ୍ୟାବଶ୍ୟକିୟ ସାମଗ୍ରୀ ଦୋକାନ ଖୋଲା ରହିବ, କିନ୍ତୁ ସମସ୍ତେ ସାମାଜିକ ଦୁରତା ଅବଲମ୍ବନ କରିବେ । ଯଦି ଏହି ନିୟମକୁ କିଏ ଉଲଂଘନ କରେ ତେବେ ଆଇନଗତ ପଦକ୍ଷେପ ନିଆଯିବ ବୋଲି ଜିଲ୍ଲାପାଳ କହିଛନ୍ତି । ଘରୁ ବହାରକୁ ବାହାରିଲେ ମାକ୍ସ ପିନ୍ଧିବା ଜରୁରୀ । ଔଷଧ, ସାର, ପନି ପରିବା ଓ ସୌଦା ଦୋକାନ ଖୋଲା ରହିବ । ଅତି ଆବଶ୍ୟକ ସାମଗ୍ରୀକୁ ବିକ୍ରି ଉପରେ କୌଣସି ସମୟ ସୀମା ନାହିଁ । କିନ୍ତୁ ଗୁଟଖା, ପାନ, ଚା ଓ ମଦ ଦୋକାନ ବନ୍ଦ ରହିବ ବୋଲି ଜିଲ୍ଲାପାଳ କୁଲାଂଗେ ସୁଚନା ଦେଇଛନ୍ତି ।