ଗଂଜାମ ଜିଲ୍ଲାରେ କରୋନା କଟକଣା ଲାଗି ରହିଥିବାବେଳେ ଜିଲ୍ଲାର ବିଭିନ୍ନ ବ୍ଲକ୍ର ସ୍ଥିତି ତଦାରଖ କରୁଛନ୍ତି ଗଂଜାମ ଜିଲ୍ଲାପାଳ, ସମାଧାନ କରୁଛନ୍ତିି ଲୋକଙ୍କ ବିଭିନ୍ନ ସମସ୍ୟା ।

ଗଂଜାମ ଜିଲ୍ଲାରେ କରୋନା କଟକଣା ଲାଗି ରହିଥିବାବେଳେ ଜିଲ୍ଲାର ବିଭିନ୍ନ ବ୍ଲକ୍ରେ କିପରି ପ୍ରଶାସନ ତରଫରୁ ପଦକ୍ଷେପ ଗ୍ରହଣ କରାଯାଇଛି ଏହାକୁ ନେଇ ଗଂଜାମ ଜିଲ୍ଲାପାଳ ବିଜୟ ଅମୃତା କୁଲାଂଗେ ପ୍ରତିଦିନ ବିଭିନ୍ନ ବ୍ଲକ୍ ପରିଦର୍ଶନ କରୁଛନ୍ତି । କରୋନା କଟକଣା ଫଳରେ ଜନସାଧାରଣ ସୁରକ୍ଷିତଭାବେ ରହିଛନ୍ତି କି ନାହିଁ, ସେମାନଙ୍କୁ ସରକାରୀ ଯୋଜନା ଅନୁଯାୟୀ ସୁବିଧା ପ୍ରଦାନ କରାଯାଉଛି କି ନାହିଁ ଏଥିନେଇ ଜିଲ୍ଲାପାଳ ଆଲୋଚନା କରୁଛନ୍ତି । ଏହି ପରିପ୍ରେକ୍ଷୀରେ ଶନିବାର ଜିଲ୍ଲାପାଳ କୁଲାଂଗେ ଦିଗପହଣ୍ଡି ବ୍ଲକ୍ ପରିଦର୍ଶନ କରିଥିଲେ । ଜିଲ୍ଲାପାଳ ସେଠାରେ ବିଭିନ୍ନ ପ୍ରଶାସନିକ ଅଧିକାରୀମାନଙ୍କ ସହ କରୋନାକୁ ରୋକିବାପାଇଁ ନିଆଯାଇଥିବା ବିଭିନ୍ନ ପଦକ୍ଷେପ ସମ୍ପର୍କରେ ଆଲୋଚନା କରିଥିଲେ । ସେହିପରି ଗୋକର୍ଣ୍ଣପୁର ନବ ନିର୍ମାଣ ଶିଶୁ ଉଦ୍ୟାନ ପାର୍କ ପରଖି ଏହାର କାର୍ଯକ୍ରମ ସମ୍ପର୍କରେ ଆଲୋଚନା କରିଥିଲେ । ଦିଗପହଣ୍ଡି ବ୍ଲକ୍ ଅଂଚଳରେ ଜନସାଧାରଣ କିପରି ନିଜ ନିଜ ବାସଭବନରେ ସୁରକ୍ଷିତଭାବେ ରହିପାରିବେ ସେଥିପାଇଁ ସମସ୍ତ ପ୍ରକାର ବ୍ୟବସ୍ଥା କରିବାକୁ ଜିଲ୍ଲାପାଳ ଏଠାରେ ଅଧିକାରୀମାନଙ୍କୁ ପରାମର୍ଶ ଦେଇଥିଲେ ।