ବ୍ରହ୍ମପୁର ବିଶ୍ୱବିଦ୍ୟାଳୟ ପରିସରରେ ଥିବା ବହୁ ପୁରାତନ ହରିଣ ପାର୍କରୁ ସମସ୍ତ ହରିଣଙ୍କୁ ବନ ବିଭାଗ ତରଫରୁ ଗଜପତି ଜିଲ୍ଲା ଲଖାରି ଜଂଗଲ ସ୍ଥାନାନ୍ତର ।

ବ୍ରହ୍ମପୁର ବିଶ୍ୱବିଦ୍ୟାଳୟ ପରିସରରେ ଥିବା ବହୁ ପୁରାତନ ହରିଣ ପାର୍କରୁ ସମସ୍ତ ହରିଣଙ୍କୁ ବନ ବିଭାଗ ତରଫରୁ ଧରାଯାଇ ଗଜପତି ଜିଲ୍ଲା ଅନ୍ତର୍ଗତ ଲଖାରି ଜଂଗଲରେ ଛାଡ଼ି ଦିଆଯାଇଛି । ସମସ୍ତ ହରିଣ ଚାଲିଯିବା ପରେ ବ୍ରହ୍ମପୁର ବିଶ୍ୱବିଦ୍ୟାଳୟ ପରିସରରେ ଥିବା ହରିଣ ପାର୍କଟି ଖାଲି ହୋଇ ପଡ଼ିରହିଛି । ଏହି ହରିଣ ଗୁଡ଼ିକୁ ବନ ବିଭାଗର କର୍ମଚାରୀମାନେ କାବୁ କରି ଗାଡ଼ିଦ୍ୱାରା ଲଖାରି ଜଂଗଲକୁ ନେଇଥିଲେ । ଏହି ହରିଣ ପାର୍କରୁ ଲଖାରି ଜଂଗଲକୁ ସ୍ଥାନାନ୍ତର କରାଯାଇଥିବା ହରିଣ ଗୁଡ଼ିକୁ ସୁରକ୍ଷିତଭାବେ ରଖାଯିବ ବୋଲି ଡିଏଫ୍ଓ ଅମ୍ଲାନ ନାୟକ ସୁଚନା ଦେଇଛନ୍ତି । ହରିଣ ସ୍ଥାନାନ୍ତର ସମୟରେ ରେଂଜର ଏ.ରାଜାରାଓ ସୁବୁଦ୍ଧି, ଫରେଷ୍ଟ ଗାର୍ଡ ଅମରେଶ ଦାସଙ୍କ ସମେତ ଅନ୍ୟ କର୍ମଚାରୀମାନେ ଉପସ୍ଥିତ ଥିଲେ ।