କରୋନା ଲକ୍ ଡାଉନକୁ ଦୃଷ୍ଟିରେ ଜିଲ୍ଲା ପ୍ରଶାସନ ତରଫରୁ ମିଲ୍ ଯୋଜନା ଆରମ୍ଭ, ଗରୀବ ଅସହାୟଙ୍କୁ ଯୋଜନା ଜରିଆରେ ପ୍ରଦାନ କରାଯିବ ସୌଦା ସାମଗ୍ରୀ ।

ଜିଲ୍ଲା ପ୍ରଶାସନ ତରଫରୁ ଛତ୍ରପୁରରେ କରୋନା ଲକ୍ ଡାଉନକୁ ଦୃଷ୍ଟିରେ ରଖି ମିଲ୍ ଯୋଜନାର ଶୁଭାରମ୍ଭ କରାଯାଇଛି । ଗରୀବ ଅସହାୟ ହିତାଧିକାରୀଙ୍କୁ ଏହି ମିଲ୍ ଯୋଜନା ଜରିଆରେ ସୌଦା ସାମଗ୍ରୀ ପ୍ରଦାନ କରାଯାଉଛି । ଯେକୌଣସି ସ୍ୱେଛାସେବୀ ଅନୁଷ୍ଠାନ ଓ ବଦାନ୍ୟ ବ୍ୟକ୍ତି ଏହି କରୋନା କଟକଣା ପାଇଁ ସାମଗ୍ରୀ ଯୋଗାଇଦେଇ ପାରିବେ । ଏମିତି କିଛି ଲୋକଙ୍କଠାରୁ ସଂଗ୍ରହ କରାଯାଇଥିବା ୫କିଲୋ ଲେଖାଁଏ ଚାଉଳ, ଏକ କିଲୋ ଡାଲି, ଏକ କିଲୋ ଖାଇବା ତେଲ, ଏକ କିଲୋ ଲୁଣ, ଏକ କିଲୋ ସୋୟାବିନ୍ ଓ ମସଲା ସଂଗ୍ରହ କରାଯାଇ ଦାନ କରାଯାଇଥିଲା । ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରା, ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦେଶକ ଇଂ.ସିଦ୍ଧାର୍ଥ ଶଙ୍କର ସ୍ୱାଇଁ ଛତ୍ରପୁର ଏନ୍ଏସି ଅନ୍ତର୍ଗତ ୧୪ନଂ ୱାର୍ଡର ଏନ୍ଏସି କଲୋନୀଠାରେ ବୁଲି ବୁଲି ଏପରି ଖାଦ୍ୟ ସାମଗ୍ରୀ ପ୍ରଦାନ କରିଥିଲେ । ଏଥିରେ ଏନ୍ଏସି କାର୍ଯ୍ୟନିର୍ବାହୀ ଅଧିକାରୀ ବିକ୍ରମ କୁମାର ଦୋରା, ଏପିଡି ସୌମ୍ୟରଂଜନ ହୋତା, ଜଳ ଓ ପରିମଳ ମିଶନର ମହେଶ ତରେଇଙ୍କ ସମେତ ଏନ୍ଏସିର ବହୁ କର୍ମଚାରୀ ଉପସ୍ଥିତ ଥିଲେ ।