ମହାନଗରର ବିଭିନ୍ନ ସାହିରେ ଅଂଗନବାଡ଼ି କର୍ମୀଙ୍କ ଦ୍ୱାରା ଘରକୁ ଘର ବୁଲି ସଂଗ୍ରହ କରାଯାଉଛି ସ୍ୱାସ୍ଥ୍ୟ ସମ୍ପର୍କରେ ତଥ୍ୟ, ଆକ୍ରାନ୍ତ ଥିଲେ ସ୍ୱାସ୍ଥ୍ୟ ବିଭାଗ ତରଫରୁ ଚିକିତ୍ସା ସହାୟତା ।

ଗଂଜାମ ଜିଲ୍ଲାପାଳ ବିଜୟ ଅମୃତା କୁଲାଂଗେଙ୍କ ନିର୍ଦେଶକ୍ରମେ ବ୍ରହ୍ମପୁର ମହାନଗରର ବିଭିନ୍ନ ସାହିରେ ଅଂଗନବାଡ଼ି କେନ୍ଦ୍ରର କର୍ମୀମାନଙ୍କ ଦ୍ୱାରା ଘରକୁ ଘର ବୁଲି ସ୍ୱାସ୍ଥ୍ୟ ସମ୍ପର୍କରେ ତଥ୍ୟ ସଂଗ୍ରହ କରାଯାଉଛି । ଯଦି କାହାକୁ ଥଣ୍ଡା, ଜ୍ୱର,କାଶ ଓ ନିଶ୍ୱାସ ନେବାରେ କଷ୍ଟ ଅନୁଭବ ହେଉଥାଏ ତେବେ ସେମାନଙ୍କୁ ଜିଲ୍ଲା ପ୍ରଶାସନର ଦୃଷ୍ଟି ଆକର୍ଷଣ କରାଯାଉଛି । ଗଂଜାମ ଜିଲ୍ଲାରେ ଗୁରୁବାର ଓ ଶୁକ୍ରବାର ଦୁଇଦିନ ମଧ୍ୟରେ ୪ଲକ୍ଷ ୪ହଜାର ୩୩୦ ଘର ଏପରି କର୍ମଚାରୀମାନଙ୍କ ଦ୍ୱାରା ସ୍ୱାସ୍ଥ୍ୟ ସମ୍ପର୍କରେ ତଥ୍ୟ ସଂଗ୍ରହ କରାଯାଇଥିବାବେଳେ ସେମାନଙ୍କ ମଧ୍ୟରେ ୩ ହଜାର ୭୫୯ ଜଣ ସାମାନ୍ୟ ଥଣ୍ଡାରେ ଆକ୍ରାନ୍ତ ଥିବା ଜଣାପଡ଼ିଥିଲା । ଏମାନଙ୍କୁ ସ୍ୱାସ୍ଥ୍ୟ ବିଭାଗ ତରଫରୁ ଚିକିତ୍ସା ସହାୟତା ଯୋଗାଇଦିଆଯିବ ବୋଲି ପ୍ରଶାସନ ପକ୍ଷରୁ ନିଷ୍ପତ୍ତି ନିଆଯାଇଛି ।