ଗଂଜାମ ଜିଲ୍ଲାରେ କରୋନା ମୁକାବିଲା ପାଇଁ ଜିଲ୍ଲା ପ୍ରଶାସନ ପକ୍ଷରୁ ନିଆଯାଇଛି ବହୁ ପଦକ୍ଷେପ, ଜିଲ୍ଲାରେ କେହି ବି ଚିହ୍ନଟ ହୋଇନାହାନ୍ତି କରୋନା ପଜିଟିଭ ।

ଗଂଜାମ ଜିଲ୍ଲା ତଥା ବ୍ରହ୍ମପୁରରେ କରୋନା ମୁକାବିଲା ପାଇଁ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଗ୍ରହଣ କରାଯାଇଛି । ବର୍ତ୍ତମାନ ସୁଦ୍ଧା ଗଂଜାମ ଜିଲ୍ଲାରେ କେହି ବି ପଜିଟିଭଭାବେ ଚିହ୍ନଟ ହୋଇନାହାନ୍ତି । ଗଂଜାମ ଜିଲ୍ଲାକୁ ୭୬୧ଜଣ ବିଦେଶରୁ ଆସିଥିବାବେଳେ ସେମାନଙ୍କ ମଧ୍ୟରୁ ୭୪୦ଜଣଙ୍କ ୧୪ଦିନିଆ କ୍ୱାରେଣ୍ଟାଇନ ସମୟ ଶେଷ ହୋଇଯାଇଛି । ବର୍ତ୍ତମାନସୁଦ୍ଧା ଭୂବନେଶ୍ୱରକୁ ୩୨୬ଜଣଙ୍କ ରକ୍ତ ନମୁନା ପଠାଯାଇଥିବାବେଳେ ସେଥି ମଧ୍ୟରୁ ୧୦୬ଜଣ ରକ୍ତ ନମୂନା ନେଗେଟିଭ ରହିଥିବା ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟ ସୁତ୍ରରୁ ପ୍ରକାଶ । ଓଡ଼ିଶାରେ ଶନିବାର ସୁଦ୍ଧା ୫୦ଜଣ କରୋନା ଆକ୍ରାନ୍ତ ରହିଛିନ୍ତି । ସେମାନଙ୍କ ମଧ୍ୟରୁ ୧୨ଜଣ ସୁସ୍ଥ ହୋଇଥିବାବେଳେ ଜଣେ ମୃତ୍ୟୁ ବରଣ କରିଛନ୍ତି । ତେବେ ୩୭ଟି କେସ ଆକ୍ଟିଭ କେସ ଭାବେ ରହିଛି । ସେଥିମଧ୍ୟରୁ ୩୫ଟି କେସରେ କୌଣସି ଲକ୍ଷଣ ନଥିଲେ ମଧ୍ୟ ଏହା ନ ବ୍ୟାପିବାପାଇଁ ସେମାନଙ୍କୁ ସଂଗରୋଧରେ ରଖାଯାଇଛି । ୨ଜଣ ଆକ୍ରାନ୍ତ ଯାହାଙ୍କ ପାଖରେ ଲକ୍ଷଣ ରହିଛି, ସେମାନଙ୍କ ଚିକିତ୍ସା ଜାରି ରହିଥିବା ସରକାରଙ୍କ ସୁତ୍ରରୁ ପ୍ରକାଶ ।