ଲକ୍ଡାଉନ ଅବଦ୍ଧିଏପ୍ରିଲ ୩୦ ତାରିଖ ପର୍ଯ୍ୟନ୍ତ ରାଜ୍ୟରେ ଆଗୁଆଭାବେ ମୁଖ୍ୟମନ୍ତ୍ରୀ ବୃଦ୍ଧି କରିବା ପରେ ଜନସାଧାରଣଙ୍କ ମିଶ୍ରିତ ପ୍ରତିକ୍ରିୟା, ବୁଦ୍ଧିଜୀବୀ ମହଲରେ ସ୍ୱାଗତ ।

କରୋନାକୁ ଦୃଷ୍ଟିରେ ରଖି ଏପ୍ରିଲ ୧୪ ତାରିଖରେ ଲକ୍ ଡାଉନ କଟକଣା ଶେଷ ହେବ ବୋଲି କୁହାଯାଇଥିଲା । ତେବେ ରାଜ୍ୟରେ ଆଗୁଆଭାବେ ମୁଖ୍ୟମନ୍ତ୍ରୀ ନବୀନ ପଟନାୟକ ଏହି କଟକଣାକୁ ଏପ୍ରିଲ ୩୦ ତାରିଖ ପର୍ଯ୍ୟନ୍ତ ବୃଦ୍ଧି କରିଛନ୍ତି । ଏପରି କଟକଣା ଯୋଗୁଁ ଜନସାଧାରଣଙ୍କୁ ଘରୁ ବାହାରକୁ ନ ବାହାରିବାପାଇଁ ନିର୍ଦେଶ ଜାରି ରହିଛି । ସକାଳ ୭ଟାରୁ ଦିନ ୧୨ଟା ପର୍ଯ୍ୟନ୍ତ ଅତ୍ୟାବଶ୍ୟକୀୟ ଖାଦ୍ୟ ସାମଗ୍ରୀ କ୍ରୟ କରିବାପାଇଁ ଜନସାଧାରଣ ବାହାରକୁ ବାହାରୁଛନ୍ତି । ତେବେ ଦିନ ୧୨ଟାରୁ ସକାଳ ୭ଟା ପର୍ଯ୍ୟନ୍ତ କେହି ଘରୁ ବାହାରିପାରିବେ ନାହିଁ ବୋଲି ନିର୍ଦେଶ ବଳବତ୍ତର ରହିଛି । ଏପରି ଲକ୍ ଡାଉନ କଟକଣା ପରେ ବ୍ରହ୍ମପୁରବାସୀଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି । ବର୍ତ୍ତମାନ ବ୍ରହ୍ମପୁରରେ ସ୍କୁଲ କଲେଜଠାରୁ ଆରମ୍ଭ କରି ଅନ୍ୟାନ୍ୟ ଘରୋଇ ଦୋକାନ ବଜାର ଓ ଶିକ୍ଷାନୁÂାନ ବନ୍ଦ ରହିଛି । ଏହି କଟକଣାକୁ ପୁଣିଥରେ ବୃଦ୍ଧି କରାଯିବା ପରେ ସାଧାରଣ ଜନତାଙ୍କ ମଧ୍ୟରେ ନାନା ଆଲୋଚନା ହେଉଛି । ତେବେ ଦିନକୁ ଦିନ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ଯୋଗୁଁ ମୁଖ୍ୟମନ୍ତ୍ରୀଙ୍କ ଏପରି ନିଷ୍ପତ୍ତିକୁ ବୁଦ୍ଧିଜୀବୀ ମହଲରେ ସ୍ୱାଗତ କରାଯାଇଛି । ଏପରି କଟକଣା ବୃଦ୍ଧି ଫଳରେ ଜିଲ୍ଳା ପ୍ରଶାସନ ପକ୍ଷରୁ ଜନସାଧାରଣଙ୍କ ସ୍ୱାସ୍ଥ୍ୟର ସୁରକ୍ଷା ପାଇଁ ସେମାନଙ୍କ କାର୍ଯ୍ୟ ଏପରି ଜାରି ରହିବ ବୋଲି କୁହାଯାଇଛି । ଏହି କଟକଣା ଯୋଗୁଁ ବିଭିନ୍ନ ବିଦ୍ୟାଳୟରେ ଛାତ୍ରଛାତ୍ରୀମାନଙ୍କୁ ଅନ୍ଲାଇନ ମାଧ୍ୟମରେ ଶିକ୍ଷା ପ୍ରଦାନ କରାଯାଉଛି । ବୁଧବାର ସୁଦ୍ଧା ଗଂଜାମ ଜିଲ୍ଲାରେ ୨୯୪ ସଂଦିଗ୍ଧଙ୍କ ରକ୍ତ ନମୂନା ପରୀକ୍ଷା କରାଯାଇଛି । ୫୦ଜଣଙ୍କ ସ୍ୱାସ୍ଥ୍ୟରେ ଉନ୍ନତି ଘଟିଥିବାବେଳେ କାହାର ମଧ୍ୟ ପଜିଟିଭ ନଥିବା ଜିଲ୍ଳା ମୁଖ୍ୟ ଚିକିତ୍ସାଧିକାରୀଙ୍କଠାରୁ ପ୍ରକାଶ ।