କରୋନାକୁ ଦୃଷ୍ଟିରେ ରଖି ଲକ୍ଡାଉନକୁ ଏପ୍ରିଲ ୩୦ ତାରିଖ ପର୍ଯ୍ୟନ୍ତ ବୃଦ୍ଧି କଲେ ମୁଖ୍ୟମନ୍ତ୍ରୀ, ଜୁନ ୧୭ ତାରିଖ ପର୍ଯ୍ୟନ୍ତ ବନ୍ଦ ରହିବ ରାଜ୍ୟର ସମସ୍ତ ସ୍କୁଲ ଓ କଲେଜ ।

ମୁଖ୍ୟମନ୍ତ୍ରୀ ନବୀନ ପଟନାୟକ କରୋନାକୁ ଦୃଷ୍ଟିରେ ରଖି ଲକ୍ଡାଉନକୁ ଏପ୍ରିଲ ୩୦ ତାରିଖ ପର୍ଯ୍ୟନ୍ତ ବୃଦ୍ଧି କରିଛନ୍ତି । ସେହିପରି ଜୁନ ୧୭ ତାରିଖ ପର୍ଯ୍ୟନ୍ତ ରାଜ୍ୟର ସମସ୍ତ ସ୍କୁଲ କଲେଜ ବନ୍ଦ ରହିବ ବୋଲି କହିଛନ୍ତି । ତେବେ ସାମାଜିକ ଦୁରତାକୁ ଗୁରୁତ୍ୱ ଦେଇ କୃଷି ଓ ଗରୀବ ଲୋକଙ୍କୁ ରୋଜଗାର ଦେବାପାଇଁ ମନରେଗା କାର୍ଯ୍ୟ ଚାଲୁ ରହିବ ବୋଲି ସେ କହିଛନ୍ତି । ଏହି କରୋନାକୁ ମୁକାବିଲା କରିବାପାଇଁ ଓଡ଼ିଶାବାସୀ ଏପରି ସହଯୋଗ ଜାରି ରଖିବାକୁ ସେ ନିବେଦନ କରିଛନ୍ତି । ଭାରତରେ ୧୪ତାରିଖ ପର୍ଯ୍ୟନ୍ତ କଟକଣା ଲାଗୁ ହୋଇଥିବାବେଳେ ଓଡ଼ିଶାରେ ପ୍ରଥମ ଥର ପାଇଁ ଆଗୁଆଭାବେ ଏପ୍ରିଲ ୩୦ ତାରିଖ ପର୍ଯ୍ୟନ୍ତ ଏହି କଟକଣା ବୃଦ୍ଧି କରାଯାଇଛି ।