କୁକୁଡ଼ାଖଣ୍ଡି ବ୍ଲକ୍ ବାଘଲଟି ଗ୍ରାମ ପଂଚାୟତ ମାଠିଆ ସାହିକୁ କରୋନା ହଟ୍ସ୍ପଟଭାବେ ସିଲ କଲା ପ୍ରଶାସନ, ଏହି ଅଂଚଳର ୧୩୦ଜଣ ଭୂବନେଶ୍ୱର ବମିଖାଲ ଅଂଚଳରୁ ଆସିଥିବାରୁ ପଦକ୍ଷେପ ।

କୁକୁଡ଼ାଖଣ୍ଡି ବ୍ଲକ୍ ଅନ୍ତର୍ଗତ ବାଘଲଟି ଗ୍ରାମ ପଂଚାୟତ ମାଠିଆ ସାହିକୁ ଜିଲ୍ଲା ପ୍ରଶାସନ ପକ୍ଷରୁ କରୋନା ହଟ୍ସ୍ପଟଭାବେ ଘୋଷଣା କରାଯାଇଛି । କାରଣ କିଛି ଦିନ ପୂର୍ବରୁ ଏହି ଅଂଚଳର ୧୩୦ଜଣ ଭୂବନେଶ୍ୱର ବମିଖାଲ ଅଂଚଳରୁ ଆସି ଏଠାରେ ରହୁଛନ୍ତି । ତେଣୁ ଭୂବନେଶ୍ୱରରୁ ହିଁ ଏହି ସାହିକୁ କରୋନା ହସ୍ସ୍ପଟ୍ଭାବେ ଘୋଷଣା କରାଯାଇ ଗଂଜାମ ଜିଲ୍ଲା ପ୍ରଶାସନ ତରଫରୁ ଏହି ଅଂଚଳକୁ ସଟ୍ ଡାଉନ ଘୋଷଣା କରାଯାଇଛି । ଏହି ଅଂଚଳର ସାହି ବାସିନ୍ଦାମାନେ ଘରୁ କେହି ନ ବାହାରିବାକୁ ପ୍ରଶାସନ ପକ୍ଷରୁ କୁହାଯାଇଛି । ଏଥିପାଇଁ ଗୋଳନ୍ଥରା ଥାନା ପୋଲିସକୁ ଦାୟିତ୍ୱ ପ୍ରଦାନ କରାଯିବା ସହ ଉକ୍ତ ଗ୍ରାମରେ ଏକ ଚେକ ପୋଷ୍ଟ କରାଯାଇଛି । ଏଠାରେ ରହୁଥିବା ୧୩୦ଜଣଙ୍କୁ ପ୍ରଶାସନ ପକ୍ଷରୁ ସମସ୍ତ ପ୍ରକାର ସହଯୋଗ ଯୋଗାଇଦିଆଯିବାପାଇଁ ନିଷ୍ପତ୍ତି ହୋଇଛି ।