ଲକଡାଉନ ସମୟରେ ଆଇନ ଖିଲାପକାରୀଙ୍କ ନାମରେ ମାମଲା ରୁଜୁ, ବିଭିନ୍ନ ଥାନା ପକ୍ଷରୁ ୧୨୫ଟି ଗାଡ଼ି ଜବତ, ବେଆଇନ ମଦ କାରବାର ଅଭିଯୋଗରେ ବଡ଼ ବଜାର ଥାନା ପକ୍ଷରୁ ୨ଜଣ ଗିରଫ ।

କରୋନାକୁ ଦୃଷ୍ଟିରେ ରଖି ଏପ୍ରିଲ ୧୪ ତାରିଖ ପର୍ଯ୍ୟନ୍ତ ଲକ୍ଡାଉନ କଟକଣା ଜାରି ରହିଛି । ଏଥିପାଇଁ ମହାନଗରର ବିଭିନ୍ନ ସ୍ଥାନରେ ଶାନ୍ତି ଶୃଙ୍ଖଳାକୁ ଦୃଷ୍ଟିରେ ରଖି ପୋଲିସ ମୁତୟନ କରାଯାଇଛି । ସେହିପରି ଆଇନ ଖିଲାପ କରୁଥିବା ଲୋକଙ୍କ ନାମରେ ମାମଲା ରୁଜୁ କରାଯିବା ସହ ପ୍ରତିଦିନ ଗାଡ଼ି ଗୁଡ଼ିକ ଜବତ କରାଯାଉଛି । ବୁଧବାର ବିଭିନ୍ନ ଥାନା ପକ୍ଷରୁ ପ୍ରାୟ ୧୨୫ଟି ଗାଡ଼ି ଜବତ କରାଯାଇଥିବା ଏସ୍ଡିପିଓ ବିଷ୍ଣୁ ପ୍ରସାଦ ପତି ସୁଚନା ଦେଇଛନ୍ତି । ବିନା କାରଣରେ ଘରୁ ବାହାରି ଅଯଥାରେ ବୁଲୁଥିବା ଜନସାଧାରଣଙ୍କ ଗାଡ଼ି ଗୁଡ଼ିକୁ କଟକଣା ଆଇନ ଅନୁଯାୟୀ ଜବତ କରାଯାଉଛି ।