ଲକଡାଉନ ସମୟରେ ଜନସାଧାରଣଙ୍କୁ ଯେପରି ସଠିକ୍ ଭାବରେ ଖାଦ୍ୟ ସାମଗ୍ରୀ ମିଳିପାରିବ ସେଥିନେଇ ଜିଲ୍ଲାପାଳଙ୍କ ବଡ଼ ବଜାର ପାଇକାରୀ ବ୍ୟବସାୟୀଙ୍କ ସହ ଆଲୋଚନା ।

କରୋନାକୁ ଦୃଷ୍ଟିରେ ରଖି ମହାନଗରର ବିଭିନ୍ନ ଜନସାଧାରଣଙ୍କୁ ଯେପରି ସଠିକ୍ ଭାବରେ ଖାଦ୍ୟ ସାମଗ୍ରୀ ମିଳିପାରିବ ସେଥିନେଇ ଜିଲ୍ଲାପାଳ ବିଜୟ ଅମୃତା କୁଲାଂଗେ ବୁଧବାର ବଡ଼ ବଜାର ଅଂଚଳର ବହୁ ପାଇକାରୀ ବ୍ୟବସାୟୀଙ୍କ ସହ ଆଲୋଚନା କରିଥିଲେ । ଅତ୍ୟାବଶ୍ୟକୀୟ ଖାଉଟି ସାମଗ୍ରୀ ଗୁଡ଼ିକ ମହଜୁଦ ରଖିବା ସହ ଜନସାଧାରଣଙ୍କୁ ସଠିକ୍ଭାବେ ଏହା ଯୋଗାଇବା ପାଇଁ ଜିଲ୍ଲାପାଳ କୁଲାଂଗେ ଏଠାରେ ବ୍ୟବସାୟୀମାନଙ୍କୁ ପରାମର୍ଶ ଦେଇଥିଲେ । ବହୁ ବ୍ୟବସାୟୀଙ୍କୁ ଅନ୍ଲାଇନ ମାଧ୍ୟମରେ ଖାଉଟି ସାମଗ୍ରୀ ଯୋଗାଇଦିଆଯାଉ ବୋଲି ସେ ଏଠାରେ ବ୍ୟବସାୟୀମାନଙ୍କ ସହ ଆଲୋଚନା କରିଥିଲେ । ଏପ୍ରିଲ ୧୪ ତାରିଖ ପର୍ଯ୍ୟନ୍ତ କଟକଣା ଜାରି କରାଯାଇଥିବା ଯୋଗୁଁ ଯେପରି ଜନସାଧାରଣ ଖାଉଟି ସାମଗ୍ରୀ ପାଇବାରେ କୌଣସି ଅସୁବିଧାର ସମ୍ମୁଖୀନ ନ ହୁଅନ୍ତି ସେଥିପ୍ରତି ଦୃଷ୍ଟିଦେବାକୁ ସେ ବ୍ୟବସାୟୀମାନଙ୍କୁ ପରାମର୍ଶ ଦେଇଥିଲେ । ଏହି ଅବସରରେ ଉପଜିଲ୍ଲାପାଳ ସିନେ୍ଧ ଦତାତ୍ରୟ ଭାଉ ସାହେବ ଓ ନିଗମ କମିଶନର ଚକ୍ରବର୍ତ୍ତି ସିଂ ରାଠୋର ପ୍ରମୁଖ ଉପସ୍ଥିତ ଥିଲେ ।