କରୋନା ମୂକାବିଲା ନେଇ ରାଜ୍ୟ ସରକାରଙ୍କ କଡା ପଦକ୍ଷେପ, ଓଡ଼ିଶାରେ ବର୍ତ୍ତମାନ ସୁଦ୍ଧା ୩ଜଣ କରୋନା ସଂକ୍ରମିତ ଚିହ୍ନଟ, ଲକଡାଉନ ନିୟମକୁ କଡାକଡି ପାଳନ ପାଇଁ ନିଦେ୍ର୍ଧଶ ।

କରୋନା ଯୋଗୁଁ ସୋମବାରସୁଦ୍ଧା ଭାରତରେ ୧୧୯୨ଜଣ କରୋନା ସଂକ୍ରମଣରେ ରହିଛନ୍ତି । ସେମାନଙ୍କ ମଧ୍ୟରୁ ୧୦୬୧ଜଣ ଚିକିତ୍ସାଧୀନ ଅଛନ୍ତି । ବର୍ତ୍ତମାନ ସୁଦ୍ଧା ୧୦୨ଜଣ ସୁସ୍ଥ ହୋଇଥିବାବେଳେ ୨୯ଜଣ ମୃତ୍ୟୁ ବରଣ କରିଛନ୍ତି । କରୋନା ମୂକାବିଲା ନେଇ ଓଡ଼ିଶା ତଥା ଗଂଜାମ ଜିଲ୍ଲାରେ ବହୁ ପଦକ୍ଷେପ ନିଆଯାଇଛି । ଓଡ଼ିଶାରେ ବର୍ତ୍ତମାନ ସୁଦ୍ଧା ୩ଜଣ କରୋନା ସଂକ୍ରମିତ ଚିହ୍ନଟ ହୋଇଥିବାବେଳେ ସେମାନଙ୍କ ଚିକିତ୍ସା ଭୂବନେଶ୍ୱରରେ ଜାରି ରହିଛି । ତେବେ ଏଯାବତ ଓଡ଼ିଶାରେ ଏହି ସଂକ୍ରମଣ ଯୋଗୁଁ କେହି ମୃତ୍ୟୁ ବରଣ କରିନଥିବା କୁହାଯାଇଛି । କରୋନାକୁ ଦୃଷ୍ଟିରେ ରଖି ଏପ୍ରିଲ ୧୪ ତାରିଖ ପର୍ଯ୍ୟନ୍ତ ତାଲାବନ୍ଦୀ ଘୋଷଣା କରାଯାଇଥିବା ଯୋଗୁଁ ସମସ୍ତ ଜନସାଧାରଣ ନିଜ ନିଜ ଘରେ ରହିବାକୁ କଟକଣା ଜାରି କରାଯାଇଛି । ଜନସାଧାରଣ ଏପରି କଟକଣାକୁ ମାନି ଚଳିଲେ ଏହି ଭୁତାଣୁ ସଂକ୍ରମିତ ହେବ ନାହିଁ ବୋଲି ପରାମର୍ଶ ଦିଆଯାଇଛି ।