ବ୍ରହ୍ମପୁର ବଡ଼ ଡାକ୍ତରଖାନାରେ କରୋନା ଭୁତାଣୁ ଜନିତ ଆଉ ଜଣେ ସଂଦିଗ୍ଧ ଆଇସୋଲେସନ ୱାର୍ଡରେ ଭର୍ତ୍ତି, ପୂର୍ବରୁ ଭର୍ତ୍ତି ହୋଇଥିବା ୧୪ଜଣଙ୍କ ରିପୋର୍ଟ ନେଗେଟିଭ ।

ବ୍ରହ୍ମପୁର ବଡ଼ ଡାକ୍ତରଖାନାରେ କରୋନା ଭୁତାଣୁ ଜନିତ ଆଉ ଜଣେ ସଂଦିଗ୍ଧ ଆଇସୋଲେସନ ୱାର୍ଡରେ ଭର୍ତ୍ତି ହୋଇଛନ୍ତି । ଉକ୍ତ ଯୁବକଙ୍କ ଘର କବିସୁର୍ଯ୍ୟ ନଗର ଅଂଚଳରେ ହୋଇଥିବାବେଳେ ସେ ମାଳଦୀପରୁ ଫେରିଛନ୍ତି । ତାଙ୍କୁ ବର୍ତ୍ତମାନ ଜ୍ୱର ଓ ଥଣ୍ଡା କାସ ହେଉଛି । ପ୍ରଥମେ କବିସୁର୍ଯ୍ୟନଗରରେ ଚିକିତ୍ସିତ ହେବା ପରେ ତାଙ୍କୁ ବ୍ରହ୍ମପୁର ବଡ଼ ଡାକ୍ତରଖାନାକୁ ପଠାଯାଇଛି । ବଡ଼ ଡାକ୍ତରଖାନାରେ ତାଙ୍କର ସ୍ୱାବ ସଂଗ୍ରହ କରାଯାଇ ଭୂବନେଶ୍ୱର ଆର୍ଏମ୍ଆରସିକୁ ପରୀକ୍ଷା ପାଇଁ ପଠାଯାଇଥିବା ବଡ଼ ଡାକ୍ତରଖାନା ଅଧିକ୍ଷକ ପ୍ରଫେସର ଡାକ୍ତର ସଂତୋଷ ମିଶ୍ର ସୁଚନା ଦେଇଛନ୍ତି । ଏହି ବଡ଼ ଡାକ୍ତରଖାନାର ଆଇସୋଲେସନ୍ରେ ବର୍ତ୍ତମାନ ସୁଦ୍ଧା ୧୪ଜଣ ଭର୍ତ୍ତି ହୋଇଥିବାବେଳେ ସମସ୍ତଙ୍କ ରିପୋର୍ଟ ନେଗେଟିଭ ଆସିଛି ବୋଲି ଅଧିକ୍ଷକ ପ୍ରଫେସର ମିଶ୍ର ସୁଚନା ଦେଇଛନ୍ତି ।