କରୋନାକୁ ଦୃଷ୍ଟିରେ ରଖି ବ୍ରହ୍ମପୁର ମହାନଗର ନିଗମ ତରଫରୁ ବିଭିନ୍ନ ୱାର୍ଡରେ ସ୍ୱେଛାସେବୀ ମହିଳା ଗୃପ ମାଧ୍ୟମରେ ଆଳୁ ପିଆଜ ବିକ୍ରି ପାଇଁ ବ୍ୟବସ୍ଥା ଆରମ୍ଭ ।

କରୋନାକୁ ଦୃଷ୍ଟିରେ ରଖି ବ୍ରହ୍ମପୁର ମହାନଗର ନିଗମ ତରଫରୁ ମହାନଗରର ବିଭିନ୍ନ ୱାର୍ଡରେ ସ୍ୱେଛାସେବୀ ମହିଳା ଗୃପ ତରଫରୁ ଗୁରୁବାରଠାରୁ ଆଳୁ ପିଆଜ ବିକ୍ରି ପାଇଁ ବ୍ୟବସ୍ଥା ଗ୍ରହଣ କରାଯାଇଛି । ମହିଳାମାନେ ଠେଲା ଗାଡ଼ି ମାଧ୍ୟମରେ ମହାନଗରର ୨୦ଟି ସ୍ଥାନରେ ଏପରି ଆଳୁ ପିଆଜ ଅଂଚଳବାସୀଙ୍କୁ ଦେବା ପାଇଁ ବ୍ୟବସ୍ଥା କରାଯାଇଥିବା ଜିଲ୍ଲାପାଳ ବିଜୟ ଅମୃତା କୁଲାଂଗେ ସୁଚନା ଦେଇଛନ୍ତି । ଏହାଦ୍ୱାରା ଜନସାଧାରଣ ଘରୁ ବାହାରି ନପାରି ନିଜ ନିଜ ଘର ପାଖରେ ଏପରି ଆଳୁ ପିଆଜ ପାଇପାରିବେ ବୋଲି ସେ କହିଛନ୍ତି । ସେହିପରି ୨ଦିନ ମଧ୍ୟରେ ଖାଦ୍ୟ ପୁଡ଼ିଆ ପ୍ରସ୍ତୁତ କରି ବସ୍ତି ବାସିନ୍ଦା ଓ ଅସହାୟ ଲୋକଙ୍କୁ ପ୍ରଦାନ କରାଯିବାର ବ୍ୟବସ୍ଥା କରାଯାଉଥିବା ଜିଲ୍ଲାପାଳ କୁଲାଂଗେ କହିଛନ୍ତି । ତେଣୁ ପ୍ରତ୍ୟେକ ୱାର୍ଡବାସୀ ସ୍ୱେଛାସେବୀ ଗୃପର ମହିଳାମାନଙ୍କୁ ସହଯୋଗ କରିବା ପାଇଁ ସେ ପରାମର୍ଶ ଦେଇଛନ୍ତି ।