କରୋନାକୁ ଦୃଷ୍ଟିରେ ରଖି ମୋ ଜୀବନ କାର୍ଯ୍ୟକ୍ରମ ଆରମ୍ଭ କଲେ ମୂଖ୍ୟମନ୍ତ୍ରୀ, ନିଜ ପରିବାର ମଧ୍ୟରେ ଶପଥ ପାଠର ଭିଡିଓ କରି ପଠାଇବା ପାଇଁ ମୂଖ୍ୟମନ୍ତ୍ରୀଙ୍କ ନିବେଦନ ।

ମୁଖ୍ୟମନ୍ତ୍ରୀ ନବୀନ ପଟନାୟକ କରୋନାକୁ ଦୃଷ୍ଟିରେ ରଖି କେହିହେଲେ ବାହାରକୁ ନ ବାହାରିବାପାଇଁ ଆହ୍ୱାନ ଦେଇଛନ୍ତି । ମୋ ଜୀବନ କାର୍ଯ୍ୟକ୍ରମ ମାଧ୍ୟମରେ ସେ ଏପରି ନିବେଦନ କରିବା ସହ ନିଜ ପରିବାର ମଧ୍ୟରେ ସମସ୍ତେ ରହି ବାହାରକୁ ନ ବାହାରିବା ପାଇଁ ଶପଥ ନେବାକୁ ସେ ପରାମର୍ଶ ଦେଇଛନ୍ତି । ବାହାରକୁ ଯାଇ କରୋନା ଭୁତାଣୁକୁ ନିଜ ଘରକୁ ଆଣନ୍ତୁ ନାହିଁ ବୋଲି ସେ କହିବା ସହ ନିଜ ପରିବାର ମଧ୍ୟରେ ଶପଥ ପାଠର ଭିଡିଓ କରି ପଠାଇବା ପାଇଁ ନିବେଦନ କରିଛନ୍ତି । ଯଦି କୌଣସି ଆବଶ୍ୟକ ସ୍ଥଳରେ ବାହାରକୁ ଯିବାକୁ ପଡେ଼ ତେବେ ହାତକୁ ବାରମ୍ଭାର ଧୋଇବା ପାଇଁ ସେ କହିଛନ୍ତି । ଓଡ଼ିଶାବାସୀ ଏବଂ ପ୍ରତି ଜନସାଧାରଣ ଏଥିରୁ ରକ୍ଷା ପାଇବାପାଇଁ ସହଯୋଗ କରିବାକୁ ମୁଖ୍ୟମନ୍ତ୍ରୀ ପଟନାୟକ ନିଜର ଭିଡିଓ ମାଧ୍ୟମରେ ସମସ୍ତଙ୍କୁ ନିବେଦନ କରିଛନ୍ତି ।