କରୋନା ଭୂତାଣୁକୁ ଦୃଷ୍ଟିରେ ରଖି ମହାନଗର ନିଗମ ପକ୍ଷରୁ ସଚେତନତା କାର୍ଯ୍ୟକ୍ରମ ଆରମ୍ଭ, ପ୍ରତ୍ୟେକ ଅଂଚଳ ସ୍ୱଛତା ରଖିବାକୁ ପରାମର୍ଶ

କରୋନା ଭୂତାଣୁକୁ ଦୃଷ୍ଟିରେ ରଖି ମହାନଗର ନିଗମ ପକ୍ଷରୁ ସଚେତନତା କାର୍ଯ୍ୟକ୍ରମ ଆରମ୍ଭ ହୋଇଛି । ନିଗମ ପକ୍ଷରୁ ବିଭିନ୍ନ ୱାର୍ଡରୁ ଗାଡ଼ି ଦ୍ୱାରା ଅଳିଆ ସଂଗ୍ରହ କରାଯାଉଥିବାବେଳେ ଏହି ଗାଡ଼ି ମାଧ୍ୟମରେ ପ୍ରଚାର କରାଯାଇ କରୋନା ଭୁତାଣୁ ନେଇ ସଚେତନ କରାଯାଉଛି । ତେଣୁ ପ୍ରତ୍ୟେକ ୱାର୍ଡ ବାସୀ କରୋନା ସଂକ୍ରମଣକୁ ଦୃଷ୍ଟିରେ ରଖି ନିଜେ ସୁରକ୍ଷିତ ହେବା ସହ ଅନ୍ୟକୁ ସୁରକ୍ଷିତ ରଖିବା ପାଇଁ ପରାମର୍ଶ ଦିଆଯାଇଛି । ସହରର ପ୍ରତ୍ୟେକ ଅଂଚଳରେ ସ୍ୱଛତା ଅବଲମ୍ବନ କରିବା ପାଇଁ ଏହି ପ୍ରଚାର ଗାଡ଼ି ମାଧ୍ୟମରେ କୁହାଯିବା ସହ ଘର ଘର ବୁଲି ଅଳିଆ ସଂଗ୍ରହ କରାଯାଉଥିବା ନିଗମ କମିଶନର ଚକ୍ରବର୍ତ୍ତି ସିଂ ରାଠୋର ସୁଚନା ଦେଇଛନ୍ତି । ଯେ କୌଣସି ବ୍ୟକ୍ତିଙ୍କୁ ଜ୍ୱର, ଥଣ୍ଡା ଓ କାସ ଥିଲେ ଜନଗହଳି ପୁର୍ଣ୍ଣ ଅଂଚଳକୁ ନଯିବା ସହ ତୁରନ୍ତ ଡାକ୍ତରଙ୍କ ସହ ଯୋଗାଯୋଗ କରିବା ପାଇଁ ଏଠାରେ ସଚେତନ କରାଯାଉଛି ।