ଚିଲିକାରେ ଭାରସାମ୍ୟ ହରାଇ ଓଲଟି ଲା ହସ୍ତଚାଳିତ ଡଙ୍ଗା, ପାଣିରେ ବୁଡ଼ିଯାଇଥିବା ଯାତ୍ରିଙ୍କୁ ଉଦ୍ଧାର କଲା ଅନ୍ୟ ଏକ ଡଙ୍ଗା, ୨ଜଣ ଗୁରୁତ୍ତରଙ୍କୁ ବ୍ରହ୍ମପୁର ବଡ଼ ଡାକ୍ତରଖାନା ସ୍ଥାନାନ୍ତର, ୩ଜଣ ଗିରଫ ।

ରବିବାର ସଂଧ୍ୟା ସମୟରେ ଚିଲିକାରେ ଏକ ହସ୍ତଚାଳିତ ଡଙ୍ଗା ଭାରସାମ୍ୟ ହରାଇ ଓଲଟି ପଡ଼ିବା ଫଳରେ ଏଥିରେ ଥିବା ଯାତ୍ରୀମାନେ ପାଣିରେ ବୁଡ଼ିଯାଇଥିଲେ । ତେବେ ନିକଟରେ ଥିବା ଅନ୍ୟ ଏକ ଡଙ୍ଗା ଦ୍ୱାରା ତୁରନ୍ତ ଏହି ଯାତ୍ରୀମାନଙ୍କୁ ଉଦ୍ଧାର କରାଯାଇଥିଲା ସେମାନଙ୍କ ମଧ୍ୟରୁ ୩ଜଣଙ୍କ ଅବସ୍ଥା ଗୁରୁତର ଥିବାବେଳେ ୨ଜଣଙ୍କୁ ବ୍ରହ୍ମପୁର ବଡ଼ ଡାକ୍ତରଖାନା ସ୍ଥାନାନ୍ତର କରାଯାଇଛି । ଅନ୍ୟମାନଙ୍କୁ ବାଲୁଗାଁ ହସ୍ପିଟାଲ୍ରେ ଭର୍ତ୍ତି କରାଯାଇଥିବାବେଳେ ୩ଜଣଙ୍କୁ ଭୂବନେଶ୍ୱର ସ୍ଥାନାନ୍ତର କରାଯାଇଛି । ବାଲୁଗାଁ ଥାନା ଅନ୍ତର୍ଗତ ବଡ଼କୁଳ,ଚନ୍ଦ୍ରାପଟୁ ଓ ଆଂକୁଲୀ ଗ୍ରାମର ୪୦ରୁ ଉଦ୍ଧ୍ୱର୍ ମହିଳା ଓ ପୁରୁଷ କାଳିଯାଇଙ୍କ ପୀଠକୁ ଦର୍ଶନ ଓ ବଣଭୋଜି ପାଇଁ ଯାଇଥିଲେ । ସେଠାରୁ ଭୋଜି ସାରି ସଂଧ୍ୟାରେ ୩ଟି ଡଙ୍ଗାରେ ପୃଥକ୍ ପୃଥକ୍ ଭାବେ ଫେରୁଥିବାବେଳେ ଗୋଟିଏ ଡଙ୍ଗା ଭାରସାମ୍ୟ ହରାଇ ଓଲଟି ପଡ଼ିବା ଫଳରେ ଏପରି ଅଘଟଣ ଘଟିଥିଲା । ଏହି ଘଟଣାରେ ଡଙ୍ଗା ଚାଳକ ଓ ତାଙ୍କ ସହଯୋଗୀ ଏପାି ୩ଜଣଙ୍କୁ ବାଲୁଗାଁ ପୋଲିସ ଗିରଫ କରିଛି । ବ୍ରହ୍ମପୁର ବଡ଼ ଡାକ୍ତରଖାନାରେ ଚିକିତ୍ସିତ ହେଉଥିବା ଯାତ୍ରୀ ବାସନ୍ତୀ ଭୂଜବଳ ଏବଂ ରୀନା ଜାଲିଙ୍କ ସ୍ୱାସ୍ଥ୍ୟରେ ଉନ୍ନତି ଘଟିଥିବା ଉପଜିଲ୍ଲାପାଳ ସିନେ୍ଧ ଦତାତ୍ରୟ ଭାଉସାହେବ ସୁଚନା ଦେଇଛନ୍ତି ।